Sia dapat satu email dari kawan (dia ni Sarawakian).. email pasal 24 sebab kenapa KK selalu 'traffic jam' hehe. Entah siapa la yg tulis ni email ni. Sia rasa lucu pula bila baca..so sia mau share sama pengunjung² GuRaNgAk Corner hari ni.. Kamu anggap sajalah ini sebagai 'lawak santai' di hari Jumaat kio.. Yang baik jadikan tauladan dan yang buruk jadikan lah sempadan..paham..hehe. Check it out..
- SABAH TIME bah (Itulah sebabnya ada newspaper Sabah Times).
- Lambat bangun (gara-gara sikap SABAH TIMES).
- Teda LRT dan yang terlampau banyak itu BAS MINI.
- Pertambahan bilangan PTI (yang menyebabkan populasi bertambah secara mendadak).
- Terlampau banyak TRAFFIC LIGHTS.
- Satu saja tempat yang FAMOUS - KOTA KINABALU (Semua urang mau kerja di KK).
- Drive di lorong KANAN jika inda mau MEMOTONG Lidut-lidut bah, ini bapa sia punya JALAN. Paduli tu urang yang di belakang tengah susah hati mau RUSHING!
- Lesen P = Lesen Palui (bila dapat lesen Kopi O, kiri dan kanan pun masih anggap sama saja)
- 1 urang, 1 kereta.
- Flyover yang inda banyak (Lagi banyak, lagi bagus. Turus FLY FLY IN THE AIR! BUKKK!!! Accident)
- Bunyi BROOOMMMM yang kuat tapi inda LAJAK.
- BAS KURANG AJAR - Suka hati saja mau STOP walaupun teda sign BUS STOP.
- Jalan raya yang terlampau BANYAK lubang & kerinting.
- Inda pandai mau limpas bila sampai itu ROUNDABOUT.
- BOSS inda ada di ofis, jadi bulih lambah-lambat.
- Yahoooo!!! Hari ini dapat GAJI bah! Slalu awal bulan, bila urang dapat GAJI, ramai mau turun kk.
- Town planner tia pandai buat plan. Asal nampak ruang kosong, trus buat bangunan.Tapi tempat parking teda.So urang pun parking sini sana sampai terblok jalan.
- Satu jalan lurus dari Sutera Habour - Tang Dynasty - Api-Api - Centre Point - Sinsuran - Segama - Wisma Merdeka (Ada 7 traffic light)! Apa nda jam..
- Time pulang kerajaan dan swasta hampir sama waktu 5pm.
- Time time traffic, tu uncle polis p jadi tiang lampu traffic light.
- Uncle traffic p blok tu jalan roundabout dari anjung senja p roundabout mau masuk p centre point. (bikin panas)
- Bas-bas semua kunun-kunun ada lesen formula one.
- Bila jalan raya tu dua hala, sebelah kanan accident, sebelah kiri pandai slow. Semua penyibuk dan mau tinguk numbur..
- Semua sumandak Sabah lawa2, semua pun mau slow2 krita mau tingu!
Selamat berkerja & selamat berhujung minggu..
3 comments:
sepa ni ah kawan ko urg swak ni ah...pandai2 betul oh....mimang pandai. semua dia ckp mimang betul! :)
siou, menguturkan comment ko ah...
Hehe, kawan sia tu urg sarawak tp pernah juga pigi kk tu Carol. Lucu juga kan tu 24 Reasons muahahaha..
tulah tu....terhibur juga hati sia time2 keburingan...
Post a Comment